მუსიკა სიტყვაში

გაკვეთილის თემა	მ უ ს ი კ ა     ს ი ტ ყ ვ ა შ ი (,,ვეფხისტყაოსნის“მიხედვით)
საგანი საგნის მასწავლებელი	ქართული ენა და ლიტერატურა მაია ლორია
სწავლების საფეხური	დაწყებითი,VI კლასი
მოსწავლეთა რაოდენობა	22;სსსმ  მოსწავლე არ არის
გაკვეთილის მნიშვნელობა, აქტუალობა	გაკვეთილი იქნება ერთგვარი მამოტივირებელი ძველი,რთული ტექსტების იოლად წაკითხვა-აღქმისათვის გაკვეთილი ხელს შეუწყობს მოსწავლეებს გამჭოლი კომპეტენციების  გაგება-დაუფლებაში. ,,ვეფხისტყაოსნის“სტროფთა რიტმული ელემენტების ღრმა და მრავალფეროვანი აღქმის შესაძლებლობაში; ხელოვნების დარგების(პოეზია,მუსიკა) სინქრონულად თანაარსებობის გააზრებაში და მათი ,,წაკითხვის”,ამოცნობის შესაძლო გზების,ხერხების ძიებასა და გამოყენებაში.ასევე ,,ვეფხისტყაოსნის“სხვა უნიკალური შესაძლებლობების დანახვაში; საგანთაშორისი კავშირების დანახვასა და მიღებული ცოდნის ცხოვრებაში გამოყენების გააზრებაში. მუსიკის - ნიშან-თვისებათათა  სისტემიდან სიტყვიერი(ან   ფერწერული) ხელოვნების ფორმებში გადატანის უნარ-ჩვევების გამომუშავებაში  და პირიქით,მხატვრული ტექსტების ,,ამღერებაში”,შემოქმედებითი უნარ-ჩვევების გაწაფვასა და დაუფლებაში.
გაკვეთილის მიზნები და ამოცანები	მოსწავლეები  მხატვრულად წაიკითხავენ “ვეფხისტყაოსნის”სტროფებს,წაკითხვისას გაითვალისწინებენ შაირის  რიტმულ ელემენტებს(საზომს,რითმას,რიტმს) მოსწავლეები წარმოადგენენ კლასის პროექტს-,,ვეფხიტყაოსნის“კალიგრაფები-იმსჯელებენ მის მნიშვნელობაზე მოსწავლეები მოისმენენ ,,ვეფხისტყაოსნის“ ტექსტზე შექმნილ მუსიკალურ ნაწარმოებებს,გამოხატავენ ემოციას,იმსჯელებენ შთაბეჭდილებებზე,გამოთქვამენ საკუთარ შეხედულებებს. მუსიკალურ სასწავლებელში ჩატარებულ  პროექტ-გაკვეთილზე მიღებულ ინფორმაციას გამოიყენებენ მუსიკალური ნაწარმოების მოსმენის უნარ-ჩვევების განვითარებასა და გამომუშავებაში ,ამ ჩვევებს გამოიყენებენ დამოუკიდებლად  მოსმენისთვის(კულტურულ  მსმენელად ჩამოყალიბებისთვის ცხოვრებაში) დამოუკიდებლად შექმნიან მხატვრულ-შემოქმედებით ნიმუშებს:ესეს,ნახატს,ჩანახატს,ლექსს. ააგებენ “ვეფხისტყაოსნის”რიტმულ-გრაფიკულ დიაგრამას; ,,ვეფხისტყაოსნის“ ერთ-ერთი სტროფის მიხედვით შეადგენენ განტოლებას; “ვეფხისტყაოსნის”მუსიკალურ-რიტმულ კომპეტენციებზე დაყრდნობით იმღერებენ სამ ხმაში               ან იმპროვიზებულად                სხვადასხვა ჟანრში
საჭირო წინარე ცოდნა და უნარ- ჩვევები	·       მოსწავლეებმა იციან მხატვრული კითხვისთვის აუცილებელი ხერხები და უნარ-ჩვევები; ·       თვლიან სალექსო სტრიქონში მარცვლების რაოდენობას,მათ რიტმულ მონაცვლეობას; ·       აკვირდებიან გარითმულ სიტყვებს და აღმოაჩენენ სიზუსტეს; ·       შეუძლიათ გააკეთონ დასკვნა  და გამოხატონ დამოკიდებულება ,,ვეფხისტყაოსნის ილუსტრაციებისა და შესაბამისი ეპიზოდის ურთიერთმიმართების შესახებ; ·       წერენ თხზულებას ასოციაციებზე (,,აფორიზმზე“, მოსმენილ მუსიკასა თუ ნანახ ფილმზე);          ფლობენ მუსიკალური(კლასიკური) ნაწარმოების მოსმენის კულტურას;
გაკვეთილის მსვლელობა	I ფაზა(გამოწვევა) I აქტივობა-მიზანი:წინარე ცოდნის გააქტიურება და გაკვეთილის მიზნების გარკვევა; აღწერა:მასწავლებელი მთელ კლასს აჩვენებს ვიდეო მასალას(მუსიკალურ სასწავლებელში ჩატარებული პროექტ-გაკვეთილი) რეტროსპექტულად(გადახვევის რეჟიმით) ერთად გაიხსენებენ რა ნახეს,რა მოისმინეს,რა გაიგეს:შეავსებენ ცხრილს(3,2, 1):ვიცოდი,გავიგე,მინდა გავიგო)დრო 6 წთ(ინდივიდუალურად) II აქტივობა; მიზანი: საშინაო დავალების შემოწმება; აღწერა:მასწავლებელი სთხოვს მოსწავლეებს მათი სურვილის მიხედვით,დაწერილი ესეების პრეზენტაციას-4წთ ვეფხისტყაოსნისII-ფაზა IIIაქტივობა:მიზანი:,,ვეფხისტყაოსნის“ტექსტზე  შექმნილი მელოდიის მოსმენა(მოსმენილზე ასოციაციების ზეპირი გამოხატვა)მასწავლებელი-კლასი აღწერა:მოსწავლეები მოისმენენ   ,,ვეფხისტყაოსნის ტექსტზე შექმნილ“ ნინო კრავეიშვილის სიმღერას გამოხატავენ თავიანთ დამოკიდებულებას,ემოციას,შთაბეჭდილებას წინასწარ მიწოდებული კითხვების შესაბამისად;დრო-6 წთ II  ფაზა -ცოდნის კონსტრუირება IV აქტივობა-ინდივიდუალური სამუშაო,ტა მიზანი:,,ვეფხისტყაოსნის“ ტექსტის საკუთარი კალიგრაფიული ნამუშევრის წარდგინება(ჩვენება-წაკითხვა) აღწერა:ა)მოსწავლეები  ისაუბრებენ კალიგრაფიის პროექტ ,,ჩემი ვეფხისტყაოსნის“ ინიციატივისა დ მისი განხორციელების მნიშვნელობაზე:ბ)მხატვრული დეკლამატორული ხერხების გამოყენებით წაიკითხავენ სასურველ სტროფებს;(4 წთ) V-აქტივობა შესწავლილი საგაკვეთილო მასალიდან(,,ვეფხიტყაოსნის“ფრაგმენტები ან აფორიზმები) მხატვრულად წაკითხვა,რიტმული ელემენტების გამოყოფა,ჩაწერა;დიაგრამის აგება; აღწერა:  მოსწავლეები ტაშის დახმარებით გამოყოფენ 16-მარცვლიან შაირში რიტმულ ერთეულებს, რითმას,რიტმს;მაღალი და დაბალი შაირის კომბინაციებს რიცხვებითა და აპოსტროფებით დაწერენ დაფაზე(,,ი-ყო ა- რა -ბეთს  5:3-როს-ტე -ვან “მე-ფე ღვთი-სა-გან 5:3 სვი-ა-ნი...) ააგებენ მაღალი და დაბალი შაირის დიაგრამებს ;დრო 7წთ აქტივობა VI-,,ვიმღერთ ლექსთა“(და არა მხოლოდ ვიმღერთ...) (წყვილები,სამეულები,ინდივიდუალური) მიზანი:შესწავლილი სტროფების ამღერება,იმპროვიზება,განტოლების ჩაწერა და ამოხსნა; აღწერა:ა)მოსწავლეები სასურველ სტროფებს იმღერებენ სხვადასხვა სტილით,იმპროვიზებულად;ბ)ნადირობის ეპიზოდიდან ,,ორთავე ერთგან მოკლული...’’ ჩაწერენ განტოლებას-დრო 6 წთ. III ფაზა-გამთლიანება,შეჯამება VII აქტივობა მასწავლებელი-კლასი მიზანი: ,,ვეფხისტყაოსნის“ ერთი უნიკალური ფრაზის  მუსიკალურ -მხატვრული ინტერპრეტაცია,ასოციაციების ჩაწერა პირველად მოსმენილზე აღწერა:მასწავლებელი  კლასს მოასმენინებს სიმღერას,რომელიც შექმნილია ქართულ  მუსიკალურ ფოლკლორში გადასულ ერთ  ფრაზაზე ,,ვეფხისტყაოსნიდან“,რომელიც კიდევ ერტხელ ადასტურებს,ამ წიგნის მუსიკალური ფენომენი ამოუწურავია, მოსმენისას მოსწავლეები შექმნიან საკუთარი წარმოდგენებით ლექსს  ან ჩანახატს,ნახატს,ესეს,სათაურსაც თავად მოიფიქრებენ( დრო 8 წთ) საშინაო დავალება:ა)დაწყებულის დასრულება...                               ბ)ესე:რატომ უნდა       ვისწავლოთ ,,ვეფხისტყაოსანი?“
შეფასება	განმსაზღვრელი,განმავითარებელი,შეფასების რუბრიკები, ზეპირი უკუკავსირი;ურთიერშეფასების ბარათები(იხ.დანართი) (დრო 4 წ თ)
რესურსები	ვიდეომასალა,პროექტორი,გრაფიკული დიაგრამები,ისტი;ცარცი,დაფა ,კალიგრაფიის რვეული;slide